რამდენიმე დღის წინ ქეით ბეკინსეილი საავადმყოფოში მოათავსეს. მსახიობს საკვერცხეზე კისტა გაუსკდა

მედიამ რა თქმა უნდა მალევე აიტაცა ეს ამბავი, თუმცა ზოგიერთმა იმდენად იჩქარა ნიუსის სხვაზე ადრე დაწერა, რომ ბეკინსეილი არც მეტი, არც ნაკლები ქეით მიდლტონში აერიათ

საბოლოოდ, ამ ამბავმა მთელი ინტერნეტი მოიარა და ბეკინსეილამდეც მიაღწია

ამბავმა ქეითი (ბეკინსეილი და არა მიდლტონი) ძალიან გაახალისა და როგორც აღმოჩნდა, გაახარა კიდეს.

"დიდი მადლობა ყველას კეთილი სურვილებისთვის. თავს უკეთ ვგრძნობ. დროა ჩემს სამეფო საქმეებს დავუბრუნდე. უილიამმა მოგიკითხათ", - წერს ინსტაგრამზე გამოქვეყნებულ ფოტოსთან ერთად მსახიობი.

საინტერესოა, გამოეხმაურება თუ არა ამ ამბავს ქეითი (მიდლტონი და არა ბეკინსეილი)