ოსკარის მფლობელი რეჟისორი, პიტერ ჯექსონთან ლეგენდარული ჯგუფის The Beatles შესახებ დოკუმენტურ ფილმს იღებს.

ფილმის სიუჟეტი ჯგუფის მიერ, 1970 წელს გამოსული ალბომის Let it Be შექმნის შესახებ მოგვითხრობს.

აღსანიშნავია, რომ ჯექსონმა ამ ფილმზე მუშაობა ჯერ კიდევ რამდენიმე წლის წინ დაიწყო და ამ ეტაპზე 55 საათზე მეტი ხანგრძლივობის მასალა აქვს.

ამ მასალის დიდი ნაწილი უნიკალურია და უამრავ ისეთ კადრს აერთიანებს, რომელსაც მაყურებელი პირველად სწორედ ამ ფილმში ნახავთ.

"ეს ყველაფერი დროში მოგზაურობას ჰგავს, თითქოს დროის მანქანას 1969 წელში გადავყავართ, თანაც სწორედ იმ ოთახში, სადაც ოთხი მეგობარი სტუდიაში გენიალურ მუსიკას ქმნიდა", - ამბობს პიტერ ჯექსონი.

აღსანიშნავია, რომ ვიდეო მასალა მუსიკის შექმნის გარდა პირველად უჩვენებს მაყურებელს იმ განხილვებსა და კამათს, რაც ლეგენდარულ ოთხეულს ალბომზე მუშაობის პროცესში ჰქონდათ.