თბილისის მერია ე.წ. ხრუშოვკების ჩანაცვლების საპილოტე პროექტისთვის ინტერესთა გამოხატვას იწყებს. დღეს, 30 იანვარს თბილისის მთავრობის სხდომაზე კალაძემ განაცხადა, რომ ვარკეთილის მესამე მასივში მუნიციპალიტეტის საკუთრებაში არსებულ 3 ჰექტარ ტერიტორიაზე ახალი უბნის განაშენიანება იგეგმება. მისი თქმით, უნდა აშენდეს 75 ათასი მ², შესათავაზებელი ფართები კი არის მინიმუმ 7 500 მ². გამარჯვებული იქნება ის კომპანია, ვინც უფრო მეტ ფართს შესთავაზებს მუნიციპალიტეტს.

თბილისის მერის თქმით, აქამდეც გამოცხადდა ინტერესთა გამოხატვა, თუმცა უშედეგოდ დასრულდა. კალაძის თქმით, ისინი უკვე შეხვდნენ ბიზნეს სექტორის წარმომადგენლებს, დეველოპერებს და პროექტში გარკვეული ცვლილების შესვლის შემდეგ მაღალი ინტერესის მოლოდინი აქვთ.

კახა კალაძე ამბობს, რომ ამ პროექტის განხორციელების შემდეგ ეტაპობრივად ჩაანაცვლებენ სხვა ავარიულ შენობებსაც.