გზები, გარემოს დაბინძურება, კომუნალური გადასახადები — ეს ის სამი ყველაზე მნიშვნელოვანი ინფრასტრუქტურული/კეთილმოწყოის საკითხია, რომელიც NDI-ს კვლევის მიხედვით, მოსახლეობას ადგილობრივ დონეზე აწუხებს.

კვლევის მიხედვით, მოსახლეობის 35 პროცენტს მიაჩნია, რომ მის ქალაქს/სოფელს საგზაო ინფრასტრუქტურა აწუხებს, გარემოს დაბინძურება და კომუნალური გადასახადები კი 22 პროცენტს მიაჩნია პრობლემად.

გარდა ამისა, 18 პროცენტი ადგილობრივ დონეზე წყლით მომარაგების, ხოლო 14 პროცენტს კანალიზაციის საკითხი აწუხებს.

ფოტო: NDI

NDI-იმ საზოგადოებრივი აზრის ახალი კვლევა გამოაქვეყნა. საველე სამუშაოების თარიღები 2018 წლის 6-20 დეკემბრით თარიღდება. ჩატარდა 2 205 დასრულებული ინტერვიუ. საშუალო ცდომილების ზღვარი +/- 2,1 პროცენტია.