ერთ-ერთი ფილმი, რომელსაც 2019 წელს მოუთმენლად ველოდებით, მეფე ლომის რიმეიქია.

როგორც უკვე ცნობილია, მეფე ლომის ახალ ვერსიაში, სხვადასხვა პერსონაჟებს ახმოვანებენ ბიონსე, სეთ როგანი, ჯონ ოლივერი, დონალდ გლოვერი და სხვები.

ბიონსე, რომელიც ნალას პერსონაჟს ახმოვანებს, რიმეიქში ასევე შეასრულებს ელტონ ჯონის კლასიკას, Can You Feel the Love Tonight. ამის შესახებ, ინფორმაცია ტიმონის გამხოვანებელმა, ბილი იჩნერმა დაადასტურა.

"[როგორც ორიგინალში] სიმღერას ტიმონი და პუმბა იწყებენ და შემდეგ ბიონსე და დონალდ გლოვერი აგრძელებენ", - თქვა მან.

როგორც ცნობილია, დონალდ გლოვერი [იგივე Childish Gambino] სიმბას ახმოვანებს.

ფილმის პრემიერა 2019 წლის 19 ივლისს იგეგმება.

Can You Feel the Love Tonight დისნეის 1994 წელს გამოსული ანიმაციისთვის ელტონ ჯონმა დაწერა.