კრეატიული გონება და უშრეტი წარმოსახვის უნარი დაუღლელ შრომასთან ერთად, შეუფასებელია. მსოფლიოში ამის უამრავი მაგალითი არსებობს და მათი ჩამოთვლა შორს წაგვიყვანს.

სამყაროში ყველაფერს თავისი ფასი აქვს, მათ შორის ადამიანებს და მათ შრომას, ყველა თავისი შექმნილის და გაკეთებულის შესაბამისად გამოიმუშავებს.

ბევრ ადამიანს აინტერესებს რამდენად ფასობს მწერლების შრომა და სწორედ ამიტომ, გადავწყვიტე წარმოგიდგინოთ 10 ყველაზე მდიდარი მწერალი, რომლებმაც კაპიტალი საკუთარი ნაშრომების გაყიდვებით მოიპოვეს.

1. ჯეკი კოლინსი - $180 მილიონი

ჯეკი კოლინსი, ინგლისელი მწერალი, რომელმაც კარიერის განმავლობაში 500 მილიონ ეგზემპლარზე მეტი გაყიდა და ყველაზე მდიდარი მწერლების ათეულში ადგილი დაიმკვიდრა. მას 29 ნოველა აქვს დაწერილი, რომელიც 40 ენაზეა ნათარგმნი და მათი უმეტესობა NY Times-ის ბესტსელერიც გახდა.

2. ჯონ გრიშემი - $200 მილიონი

წარმატებული ამერიკელი მწერალი, რომელიც ისეთი ცნობილი წიგნის ავტორია, როგორიცაა “ფირმა”. ამავე წიგნის ეკრანიზაციაში მთავარი როლი ტომ კრუზმა შეასრულა, ხოლო ფილმის რეჟისორი მსოფლიოში ცნობილი სიდნი პოლაკი იყო.

3. ოლივია ჰარისონი - $275 მილიონი

ცნობილი ბრიტანელი მუსიკოსის და ბითლზი ვარსკვლავის, ჯორჯ ჰარისონის მეუღლე ოლივია ჰარისონი 275 მილიონს ითვლის საკუთარ ანგარიშზე. მისი ნამუშევრები ძირითადად ჯორჯ ჰარისონის ცხოვრებას უკავშირდება და მისი ყველაზე პოპულარული წიგნიც იმავე სახელს ატარებს, რასაც ჯორჯ ჰარისონის ავტობიოგრაფია, ანუ - “I, Me and Mine”.

4. ტომ კლენსი - $300 მილიონი

მწერალი 2013 წელს გარდაიცვალა. მის ანგარიშზე $300 მილიონი იყო, რომელიც ძირითადად თრილერებისა და ომზე წიგნების წერით დააგროვა. გარდა წერისა, ტომ კლენსი ვიდეო თამაშების შექმნით იყო გატაცებული და მისი ქონების დიდი ნაწილს, სწორედ ამ საქმიანობიდან მიღებული კაპიტალი ავსებს.

5. ჯეიმს პეტერსონი - $310 მილიონი

პოპულარული და წარმატებული ამერიკელი მწერალი ჯეიმს პეტერსონი 310 მილიონს ფლობს. დეტექტიური ჟანრისა და თრილერის ოსტატი 19 ბესტსელერის ავტორია. პეტერსონის სახელს უკავშირდება ისეთი ცნობილი პერსონაჟები, როგორიცაა ამერიკელი ფსიქოლოგები ალექს კროსი და მაიკლ ბენეტი.

6. დანიელა სტილი - $375 მილიონი

თქვენს წინაშეა გინესის რეკორდსმენი დანიელა სტილი, რომელმაც საკუთარი ნაწარმოებებით და წერის სტილით მთელს მსოფლიოში მოიხვეჭა სახელი. მის სახელს უკავშირდება 800 მილიონი გაყიდული ეგზემპლარი. გარდა ამისა, დანიელა სტილის ნაშრომები NY Times-ის ბესტსელერების სიაში პირველ ადგილს იკავებს, მისი წიგნები გაყიდვებით პირველ ადგილზე 381 კვირის განმავლობაში იყო.

7. სტივენ კინგი - $400 მილიონი

ამ ადამიანს ქართველებთან წარდგენა არ სჭირდება. მრავალი ბესტსელერის ავტორი, საკუთარ ანგარიშზე, $400 მილიონს ითვლის. მსოფლიო მასშტაბით მას 400 მილიონზე მეტი ეგზემპლარი აქვს გაყიდული და სულ მალე ეს რიცხვი კიდევ უფრო გაიზრდება.

8. ქენდი სფელინგი - 600 მილიონი

გულახდილად რომ გითხრათ, ამ ავტორის შესახებ არაფერი მსმენია და ჩემთვის დიდი სიურპრიზი იყო ამ ადამიანის სტივენ კინგზე წინ ყოფნა, თუმცა პატარა გამოძიების შემდეგ, სიმართლე გაირკვა. სინამდვილეში, ქენდის ქონება არა მისი ნამუშევრების დამსახურება, არამედ მისი იღბლიანი ქორწინების დამსახურებაა… თუმცა, როგორც აღმოჩნდა, ქენდი საკმაოდ ცნობილი ავტორია ამერიკაში და პირადად მისი დაგროვებული კაპიტალი 150 მილიონს ითვლის.

9. ჯიმ დეივისი - $800 მილიონი

გარფილდისა და სხვა მრავალი ილუსტრაციების ავტორი, ჯიმ დეივისი, $800 მილიონს ფლობს. ის მსოფლიო მასშტაბით ყველაზე ცნობილი ილუსტრატორია, რომლის კომედიური ილუსტრირებული წიგნები ყველაზე დიდი რაოდენობით იყიდება. სხვათა შორის, იგი დიდ როლს ასრულებდა გარფილდის ეკრანიზაციაში.

10. ჯოან როულინგი - $1 მილიარდი

ალბათ არავისთვის სიურპრიზი არ არის, რომ ამ სიის სათავეში ჯოან როულინგია. მსოფლიოში ცნობილი ავტორი და საკულტო ფენტეზის შემქმნელი, ჰოგვარტსისა და ჰარი პოტერის გამომგონებელი საკუთარ ანგარიშზე $1 მილიარდს ითვლის. ის არის არამხოლოდ ყველაზე მდიდარი მწერალი, არამედ ბრიტანეთის ერთ-ერთი ყველაზე მდიდარი მოქალაქეცაა.

მესმის, ამ სიაში ბევრი თქვენი საყვარელი მწერალი ვერ მოხვდა, მეც იმედგაცრუებული ვარ, მაგრამ ეს არ არის მთავარი.