სახელმწიფო უსაფრთხოების სამსახურმა უფლებამოსილების ბოროტად გამოყენების ბრალდებით გარემოს დაცვისა და სოფლის მეურნეობის სამინისტრის თანამშრომელი პასუხისგებაში მისცა.

უწყების ინფორმაციით, გურამ ა. გარემოსდაცვითი ზედამხედველობის დეპარტამენტის დასავლეთის რეგიონული სამმართველოს გურიის გარემოსდაცვითი პატრულირებისა და სწრაფი რეაგირების განყოფილების ყოფილი უფროსი იყო. მათივე თქმით, 2018 წლის იანვარში, თანამდებობაზე მუშაობის პერიოდში გურამ ა.-მ ორი კომპანიის წარმომადგენლები უკანონო ქმედებებში არ ამხილა

კომპანიის წარმომადგენლები ოზურგეთის მუნიციპალიტეტში, მდინარე ნატანების კალაპოტში მუშაობდნენ. როგორც სუს-ის განცხადებაში ვკითხულობთ, გურამ ა.-მ მათ საშუალება მისცა დიდი ოდენობით ქვიშა-ღორღი ულიცენზიოდ მოეპოვებინათ, რითაც სახელმწიფოს ინტერესები დაირღვა.

ამავე საქმეზე სუს-მა, 2018 წლის მარტსა და ივლისში, გურიის გარემოსდაცვითი პატრულირებისა და სწრაფი რეაგირების განყოფილების 5 თანამშრომელი დააკავეს, ხოლო 3 თანამშრომელი სისხლის სამართლის პასუხისგებაში მისცეს.

გამოძიება სამსახურებრივი უფლებამოსილების ბოროტად გამოყენების ფაქტზე მიმდინარეობს, რაც სასჯელის სახით თავისუფლების აღკვეთას 3 წლამდე ვადით ითვალისწინებს.