ერთიანი ნაციონალური მოძრაობის ვაკის მაჟორიტარი დეპუტატობის კანდიდატის, ელენე ხოშტარიას საარჩევნო შტაბის ვიტრინა გვიან ღამით უცნობმა პირებმა ჩაამსხვრიეს. ამის შესახებ ინფორმაციას ელენე ხოშტარია ფეისბუკის საშუალებით ავრცელებს:

"ჩემ ოფისს ღამე თავს დაესხნენ და ვიტრინა გატეხეს. მესმის, რომ ძალადობრივი მეთოდების გარდა ვერაფერს შვებით, ხალხს თქვენ არ უსმენთ და პრობლემებს არ უგვარებთ. ვერც სიტუაციას აურევთ, ვერც კამპანიას აგვირევთ და თქვენი საბოლოო კრახის გარდა ვერაფერს მიაღწევთ.

არც გაბედოთ ვაკელებზე დაბრალება. 3 თვეა დავდივარ და ზუსტად ვიცი მომხრეს და ოპონენტი მოსახლეობის განწყობაც".

ელენე ხოშტარია მომხდარზე პასუხისმგებლობას ხელისუფლებას აკისრებს. რუსთავი 2-ის ინფორმაციით, ადგილზე იმყოფებიან სამართალდამცავები, რომლებიც საგამოძიებო მოქმედებებს ატარებენ.