იურიდიულ საკითხთა კომიტეტის თავმჯდომარის ყოფილი პირველი მოადგილე ვანო ზარდიაშვილი ამბობს, რომ ის აკვირდება პროცესებს და ყველაფერთან დაკავშირებით საზოგადოებას პასუხს უახლოეს მომავალში გასცემს.

"რაც შეეხება მიმდინარე პროცესებს, მე თავს ვიკავებ განცხადებების გაკეთებისგან იქიდან გამომდინარე, რომ ჩემთვის ძალიან მნიშვნელოვანია გუნდში მიმდინარე პროცესები და, შესაბამისად, გუნდის გადაწყვეტილება", — აღნიშნა დეპუტატმა.

ვანო ზარდიაშვილმა იურიდიულ საკითხთა კომიტეტში თავმჯდომარის პირველი მოადგილის თანამდებობა დეკემბრის ბოლოს დატოვა. ამის შემდეგ კომიტეტის თავმჯდომარეობიდან გადადგა ეკა ბესელია. მისი თქმით, იურიდიულ საკითხთა კომიტეტს ზარდიაშვილის ხელში ვერ დატოვებდა.

ზარდიაშვილისა და ბესელიას გადადგომას წინ უსწრებდა უზენაესი სასამართლოს მოსამართლეების კანდიდატების სია, რომელიც, ეკა ბესელიას აზრით, საზოგადოებისთვს მიუღებელია. როგორც თვითონ ამბობს, ის თანამდებობიდან მოსამართლეების არჩევის პროცესის შესაჩერებლად გადადგა.

გაიგეთ მეტი: დაპირისპირება ქართულ ოცნებაში