ფინანსთა სამინისტროს საგამოძიებო სამსახურის განცხადებით, დიდი ოდენობით ყალბი ევროს კუპიურების შენახვა-გასაღების ბრალდებით დაკავებულია თურქეთის ორი მოქალაქე.

გამოძიების ვერსიით, დეკემბერში, ბრალდებულმა პირებმა ბათუმში მდებარე სავალუტო ჯიხურებში 7 ათასი ევროს ოდენობის ყალბი 500-ევროიანი კუპიურები გაასაღეს. უწყების მტკიცებით, ბრალდებულების დაკავებისას, დამატებით 6 ათასი ევროს ოდენობის ყალბი ფული ამოიღეს.

საქმეზე მიმდინარეობს გამოძიება სისხლის სამართლის კოდექსის 212-ე მუხლის მეორე ნაწილით, რაც სასჯელის სახით 7-დან 10 წლამდე ვადით თავისუფლების აღკვეთას ითვალისწინებს.