ქართული ოცნების წევრი ზაქარია ქუცნაშვილი ამბობს, რომ განმხილველი საკითხებს პარტიის თავმჯდომარე ბიძინა ივანიშვილი დააყენებს. ამის შესახებ ქუცნაშვილმა ქართულ ოცნებაში შეხვედრის დაწყებამდე ისაუბრა.

"ჩემი მიზანი არაა ვიმსჯელო ფრაქციის ერთი წევრის მორალურობაზე", — აღნიშნა ქუცნაშვილმა თანაპარტიელ ეკა ბესელიაზე საუბრისას.

ქართული ოცნების წევრები დღეს, 3 იანვარს პარტიის დამფუძნებელსა და თავმჯდომარეს, ბიძინ ავანიშვილს ხვდებიან. ეკა ბესელია სხდომას ესწრება. მისივე თქმით, საქართველოში არ არის და 6 იანვარს დაბრუნდება.

იურიდიულ საკითხთა კომიტეტის თავმჯდომარე, ეკა ბესელია თანამდებობიდან 27 დეკემბერს გადადგა. მისი თქმით, ამით უზენაესი სასამართლოს მოსამართლეების დამტკიცებას შეუშალა ხელი.

ეკა ბესელიას გადადგომას მმართველ გუნდში დაპირისპირება მოჰყვა. პარლამენტის თავმჯდომარის, ირაკლი კობახიძის თქმით, ბესელიას გადადგომის მიზეზები პარტიის შიდა სამზარეულოა, რომელსაც ნაწილობრივ გარეთ გამოიტანეს.

იუსტიციის უმაღლესმა საბჭომ უზენაესი სასამართლოს მოსამართლეობის 10 კანდიდატი წარადგინა. ამის მიუხედავად, დღემდე არ არსებობს პროცედურა, რომლითაც იუსტიციის უმაღლესმა საბჭომ მოსამართლეობის კანდიდატები უნდა წარადგინოს. ამ მიზეზით, არასამთავრობო ორგანიზაციების ნაწილსა და საბჭოს არამოსამართლე წევრებს პროცესის ობიექტურობასა და მიუკერძოებლობაზე კითხვები უჩნდებათ.