2022 წელს Studio Ghibli-ის გასართობი პარკი იხსნება — ნახეთ პირველი ჩანახატები

იაპონურ ანიმაციურ სტუდია Ghibli-ს, რომელმაც სამყაროს ტოტორო, პრინცესა მონონოკე და სხვა უამრავი არაჩვეულებრივი ნამუშევარი აჩუქა, 2022 წელს საკუთარი გასართობი პარკი ექნება.

როგორც ცნობილია, პარკის მთავარი თემა ჰაიაო მიაძაკის 1988 წელს შექმნილი ანიმე ჩემი მეზობელი ტოტორო იქნება.

"აქამდე ჩვენს ქვეყანაში ყველაზე დიდი პარკები ტოკიოს დისნეილენდი და ოსაკას უნივერსალ სტუდიოს პარკი იყო. დროა, ეს შეიცვალოს და ყველაზე დიდი ადგილი Studio Ghibli-ს ანიმეების პარკს დავუთმოთ", - ამბობენ სტუდიის მფლობელები.

თემატური პარკის ვიზუალზე კი შეგვიძლია, წარმოდგენა ამ ჩანახატებით შევიქმნათ.

მწვანე გორაკი

იაპონიაში უკვე გამოიყო ორას ჰექტარზე მეტი ფართობის სივრცე, სადაც რამდენიმე წელში ანიმეების მოყვარულებს უმასპინძლებენ. ამ ტერიტორიაზე 2005 წელს მსოფლიო ექსპოზიცია ჩატარდა.

პარკში უკვე დგას ჩემი მეზობელი ტოტოროს სახლის ასლი, რომელიც ჯერ კიდევ 2005 წელს მსოფლიო ექსპოზიციისთვის შეიქმნა.

გიბლის დიდი შენობების სივრცე

რეგიონალური მთავრობის წარმომადგენლების განცხადებით, პარკი მიზნად ისახავს, ბოლომდე აითვისოს არსებული ტერიტორია ისე, რომ ბუნებრივი გარემოს არანაირი ზიანი არ მიადგეს.

როგორც სურათიდან ჩანს, საფეხმავლო ბილიკები ბუნებაში "იკარგება". პარკში ევროპული სტილის აგურის შენობები იქნება განლაგებული. მსგავსი ნაგებობები სტუდიის ნამუშევრებში ხშირად გვინახავს.

ჯადოქრების სივრცე

პარკის მთავარი კარიბჭე ჰაულის მოძრავი სასახლის ინსპირაციით შეიქმნება.

აქვე იქნება მაღაზიები, სადაც ტურისტებს გიბლის ანიმეებთან დაკავშირებული სუვენირების შეძენა შეეძლებათ. აშენდება გალერეები და თეატრი.

მონონოკეს სოფლის სივრცე

პარკში განთავსდება იმ ცხოველებისა თუ ჯადოსნური არსებების ქანდაკებები, რომელთაც გიბლის ანიმეებიდან ვიცნობთ.

დონდოკოს ტყის სივრცე

მთავრობა პროექტის რეალურ ღირებულებაზე ჯერჯერობით ვერ ჩამოყალიბდა. არქიტექტორები კი ჯერაც მუშაობენ თემატური პარკის გაუმჯობესებაზე. სიახლეებს აუცილებლად შეგატყობინებთ.

ბოლო ამბები:

გირჩევთ