იურიდიულ საკითხთა კომიტეტის უკვე ყოფილმა თავმჯდომარემ ეკა ბესელიამ განაცხადა, რომ თანამდებობა კომიტეტის თავმჯდომარის მოადგილემ, ქართული ოცნების დეპუტატმა, ვანო ზარდიაშვილმაც დატოვა.

ეკა ბესელიას თქმით, ის ვერ დაუტოვებდა კომიტეტის თავმჯდომარეობას ზარდიაშვილს და ელოდებოდა, მის განცხადებას გადადგომის შესახებ.

"ჩემი მთავარი იდეალი ყოველთვის იყო და იქნება სამართლიანობისთვის ბრძოლა. რატომ არ გავაკეთე ეს განცხადება გუშინ. მე ველოდებოდი და დღეს მივიღე განცხადება. ეს განცცხადება ვანო ზარდიაშვილის გადადგომის შესახებ. იურიდული კომიტეტის თავმჯდომარის მოვალეობის შესრულებას მე ვერ დავუტოვებდი ამ ადამიანს. ეს განცხადება მივიღე დღეს და ამ განცხადების შემდეგ ვაკეთებ მე განცხადებას გადადგომის თაობაზე", — განაცხადა ეკა ბესელიამ საგანგებო ბრიფინგზე.

ინფორმაცია, იმის შესახებ, რომ ვანო ზარდიაშვილმა იურიდიულ საკითხთა კომიტეტის დატოვების გადაწყვეტილებით პარლამენტს განცხადებით მიმართა, დღეს გავრცელდა. ვანო ზარდიაშვილთან ერთად კომიტეტის თავმჯდომარის პოსტი დატოვა ეკა ბესელიამ. მისი თქმით, ამ გადაწყვეტილებით უზენაესი სასამართლოს მოსამართლეების დანიშვნის პროცესი შეაჩერა.