83 წლის ქართველი კომპოზიტორი გია ყანჩელი საქართველოში ჩამოიყვანეს. ამის შესახებ, On.ge-ს კულტურის სამინისტროში უთხრეს.

უწყების ცნობით, კომპოზიტორი საქართველოშია, თუმცა მისი ოჯახის წევრებს ყანჩელის ჯანმრთელობის მდგომარეობაზე ინფორმაციის გაცემა არ სურთ.

კომპოზიტორის საავადმყოფოში გადაყვანის შესახებ, კვირას ამერიკაში მცხოვრებმა რუსმა მუსიკოსმა იულიან მილკისმა ფეისბუქზე დაწერა:

"გთხოვთ, რომ გია ყანჩელისთვის ილოცოთ, ის საავადმყოფოში გადაიყვანეს და მისი მდგომარეობა მძიმეა".