მაშინ, როცა ამერიკის პრეზიდენტი სანტა კლაუსის არსებობას ეჭვის ქვეშ აყენებს, პატარა ქართველი სანტები სკოლის ეზოში ზეიმს მართავენ.

მწვანე სკოლის გამოქვეყნებულ ვიდეოში ჩანს, რომ მოსწავლეები საახალწლო სიმღერას, Santa Claus Is Coming to Town-ს მღერიან და მასზე ცეკვავენ.

პატარა სანტები დაწყებითი კლასის მოსწავლეები არიან.

ძნელია, ამ ვიდეოს ღიმილის გარეშე უყურო და ამავე დროს, გული არ დაგწყდეს, რომ წლების წინ, ჩვენს ბავშვობაში ახალი წელი სულ სხვანაირი იყო.