"ტურიზმის გაფეტიშება, არ მგონია ჩვენი ეროვნული იმის... ძალიან დამაკმაყოფილებელი იყოს. მომსახურების სფერო არასდროს ყოფილა ჩვენი ხასიათის", — ამის შესახებ პარლამენტის დეპუტატმა, დავით ჭიჭინაძემ დარგობრივი ეკონომიკის კომიტეტის სხდომაზე განაცხადა, სადაც ეკონომიკის მინისტრი, გიორგი ქობულია წლის შემაჯამებელ ანგარიშს წარადგენს.

"საერთოდ, ეკონომიკური პოლიტიკა ნიშნავს, რაც ადამიანში, ქართველ სულსა და გულში, ბუნებაში დევს, ის განვავითაროთ და იმას შევუწყოთ ხელი, იმ სპეციალობებს. ყოველთვის იყო მშენებლობა, ინდუსტრიალიზაცია, უფრო დიდი გამოწვევები და არა მიიტანე მოიტანეზე დაყრდნობა საბოლოო ჯამში", — განაცხადა ჭიჭინაძემ.

ეკონომიკის განვითარებაში ტურიზმის როლზე ხელისუფლება ხშირად საუბრობს. ტურიზმი სამუშაო ადგილების შექმნისთვის ერთ-ერთ მნიშვნელოვან სფეროდ სახელდება. 2017 წელს მოგზაურობისა და ტურიზმის კონკურენციის ინდექსის თანახმად, საქართველო მსოფლიო ბაზარზე ტურისტული კონკურენტუნარიანობის მიხედვით 136 ქვეყანაში შორის 70-ე პოზიციას იკავებს. საქართველოს ტურიზმის ეროვნულმა ადმინისტრაციამ ტურიზმის სფეროს გასაუმჯობესებლად 2015 წელს ათწლიანი გეგმა შეიმუშავა.

2017 წელს საქართველოს 7,9 საერთაშორისო მოგზაური ეწვია. ეროვნული ბანკის მონაცემებით, ბოლო ცხრა წლის განმავლობაში საერთაშორისო ტურიზმიდან შემოსული შემოსავალი აშშ დოლარში ყოველ წელს იზრდება. 2017 წელს შემოსავალი იყო 2 704 340 აშშ დოლარი.