გარდიანმა ზამთრის 10 გამათბობელი სასმელი დაასახელა და რომელია სიის სათავეში? რა თქმა უნდა, ქართული ჭაჭა!

გამოცემა მკითხველს ჭაჭის დამზადების წესს უხსნის და მის განუყოფელ "გაუმარჯოსაც" ასწავლის.

არც მასპინძელის ხელგაშლილობის აღნიშვნა ავიწყდება, რომელსაც საქართველოს სოფლებში სტუმრობისას თავს ვერ დააღწევთ:

"ესტუმრეთ ქართულ სოფელს, სადაც პრაქტიკულად ყველა ოჯახში ამზადებენ ჭაჭას. თქვენ აუცილებლად გაიძულებენ ერთი ან სამი ჭიქის დალევას".

თბილისში სტუმრობის შემთხვევაში, გამოცემა სოლოლაკში მდებარე Chacha Time-ს უწევს რეკომენდაციას:

"აღმოაჩენთ, რატომ უყვართ ქართველებს ჭაჭა ზამთრის ცივი ღამეების დროს".

გამოცემა მკითხველს, ჭაჭასთან ერთად, პოლონურ თბილ ლუდს, ისლანდიურ იულაგლუგსა და სხვა სასმელებს სთავაზობს.