დედოფალი ელიზაბეტი საშობაოდ ტრადიციულად გამოაქვეყნებს მისი მიმართვის ჩანაწერს, სადაც ქრისტეს მისიაზე, ურთიერთპატივისცემასა და მშვიდობაზე ისაუბრებს.

ჩანაწერის ნაწყვეტები ბუკინგემის სასახლემ დღეს გამოაქვეყნა. ქრისტეს შობაზე 92 წლის მონარქი ამბობს:

"მე მჯერა ქრისტეს მისიის, რომელიც დედამიწაზე მშვიდობასა და კეთილ ნებას ქადაგებდა და ამ ფასეულობებს ვადა არასდროს გაუვა. ამის გაგება ყველას შეუძლია. დღეს ეს ყველაზე მეტად გვჭირდება.

როგორი განსხვავებულიც არ უნდა იყოს ადამიანი, მოექეცი მას პატივისცემით. მომავალში მიღწეული ურთიერთგაგებისთვის ეს წინ გადადგმული ნაბიჯია".

როგორც ცნობილია, 25 დეკემბერს გამოქვეყნებულ საშობაო მესიჯში დედოფალი ელიზაბეტი ასევე ისაუბრებს პრინცი ჰარისა და მეგან მარკლის ქორწინებაზე, თუმცა არ შეეხება ისეთ პოლიტიკურ თემებს, როგორიცაა ბრექსიტი და დონალდ ტრამპის ლონდონში ვიზიტი.