19 დეკემბერს, 19:00 საათზე ტექნოპარკში გაიმართება FABTalks შეხვედრა თემაზე “როგორ გავიტანოთ პროდუქტი გლობალურ ბაზარზე”.

მოწვეული სტუმარია ლევან მოლაშვილი, კომპანია Amazon Export Hub თანადამფუძნებელი, რომელიც ერთ-ერთი პირველი ქართველია, ვინც ბიზნესი Amazon-ზე დაიწყო. ლევანს განათლება გერმანიაში აქვს მიღებული და ლექციებს საქართველოს ეროვნულ უნივერსიტეტში კითხულობს. ასევე ატარებს კერძო კონსულტაციებსა და სესიებს საერთაშორისო, ელექტრონულ ვაჭრობასთან დაკავშირებით.

შეხვედრაზე სპიკერი ისაუბრებს, თუ როგორ შეგვიძლია გავიტანოთ ჩვენი პროდუქცია გლობალურ ბაზარზე, ონლაინ გიგანტების - Amazon, Ebay და ასევე ხელნაკეთი ნივთების პლატფორმის - Etsy საშუალებით.

FABtalks - ტექნოპარკის ფაბლაბის პროექტია, რომელიც მიზნად ისახავს FAB Community-თვის საინტერესო თემებზე საჯარო ლექციებისა და შეხვედრების მოწყობას.

ღონისძიებაზე დასასწრებად მსურველები ბმულზე უნდა დარეგისტრირდნენ. შეხვედრაზე დასწრება თავისუფალია.