პარლამენტში ქართული ოცნების დეპუტატმა, ზაზა პაპუაშვილმა განაცხადა, რომ ერთიანი ნაციონალური მოძრაობის დეპუტატ ნიკა მელიას ზურგიდან არ მიპარვია და მისი განზრახვა სულ სხვა იყო.

"ერთი წამით, მე ზურგიდან არავის არ ვეპარები, აქ იყო ჩანაფიქრი სხვა რაღაცა, რადგან ეს ადამიანი არ ამთავრებდა ამ უხამს ქცევას. მინდოდა, ქეჩოში მომეკიდა ხელი და დარბაზიდან გამეყვანა, ეს იყო ჩანაფიქრი, უკან მივეპარე არა ისა, ცხოვრებაში არავის მივპარვივარ", — განაცხადა პაპუაშვილმა ტვ პირველთან.

12 დეკემბერს საპრეზიდენტო არჩევნების საკითხს საქართველოს პარლამენტში ნაციონალურ მოძრაობის წევრ ნიკა მელიასა და პატრიოტთა ალიანსის წევრებს, ირმა ინაშვილსა და ემზარ კვიციანს შორის ფიზიკური დაპირისპირება მოჰყვა. რამდენიმე დეპუტატს შორის დაწყებული ჩხუბი პოლიტიკურ მხარეებს შორის დაპირისპირებაში გადაიზარდა.

პარლამენტის სხდომაზე მდგომარეობა მას შემდეგ დაიძაბა, რაც ნაციონალური მოძრაობის დეპუტატმა, ნიკა მელიამ ქართული ოცნების დეპუტატები კრიმინალად მოიხსენია, მათ შორის ირაკლი კობახიძე და ემზარ მკოიანი.

ამავე თემაზე: