საფრანგეთის ქალაქ სტრასბურგის ცენტრში, საშობაო ბაზრობასთან სროლა იყო. The Guardians წერს, რომ შემთხვევის შედეგად, მინიმუმ ერთი ადამიანი დაიღუპა და ცხრა დაიჭრა.

ამავე გამოცემას თვითმხილველები უყვებიან, რომ შეიარაღებულმა პირმა სხვადასხვა ადგილზე რამდენჯერმე გაისროლა.

საფრანგეთის შინაგან საქმეთა სამინისტრო მოსახლეობას სახლში დარჩენისკენ მოუწოდებს. უწყება მომხდარს "საზოგადოებრივი უსაფრთხოების სერიოზულ დარღვევად" აფასებს. სამართალდამცავებმა ადგილზე უკვე გააკეთეს კორდონი, გადაკეტილია სამანქანო გზაც.

ამჟამად ევროპარლამენტარები სტრასბურგში იმყოფებიან. ყველა მათგანმა შეტყობინება მიიღო, რომ დარჩნენ იქ, სადაც იმყოფებიან და ნუ გადაადგილდებიან ქალაქში.

ბრიტანელი ევროპარლამენტარი, რიჩარდ კოლბერტი ტვიტერზე წერს, რომ შემთხვევის დროს რესტორანში იყო. მისივე დაუდასტურებელი ცნობით 3 ადამიანია გარდაცვლილი. ის წერს, რომ რესტორანი დაკეტეს და არავის უშვებენ.