შიდა ქართლში, სოფელ ატოცში, სადაც საოკუპაციო ხაზია გავლებული, მუსიკოსები აქციას მართავენ. აქცია დაახლოებით ერთი საათის წინ დაიწყო.

"ჩვენი მუსიკალური ინსტრუმენტები იქნება ჩვენი ხმა — იარაღი მათ წინააღმდეგ. დარწმუნებულები ვართ, თუ როგორ განიცდის ყველა ნორმალური ქართველი ადამიანი ამ ყველაფერს, რაც ჩვენს თავს ხდება. დროა, რაც ჩვენ შეგვიძლია, ის გავაკეთოთ და მათ აგრესიას წინ მუსიკის ხმა დავახვედროთ ბარიერად", — ასე მიმართავდნენ აქციის ორგანიზატორები ოკუპაციის წინააღმდეგ მებრძოლ ადამიანებს.

რუსეთი, რომელსაც საქართველოს ტერიტორიის 20 პროცენტი აქვს ოკუპირებული, მუდმივად აგრძელებს მავთულხლართების გავლებას. საოკუპაციო ხაზის გადაკვეთის ბრალდებით შიდა ქართლში მოსახლეობას მუდმივად აკავებენ, გასათავისუფლებლად კი ჯარიმის გადახდას ითხოვენ.