ძალა ერთობაშიას საარჩევნო შტაბის ხელმძღვანელი, გიორგი ვაშაძე აცხადებს, რომ ოპოზიციური პარტიების გაერთიანება მუშაობის საგანგებო რეჟიმზე გადადის და ცხელი ხაზის ამოქმედებას იწყებს. გიორგი ვაშაძემ მოუწოდა მოქალაქეებს დაუკავშირდნენ ამ ცხელ ხაზზე და მიაწოდონ ინფორმაცია ძალადობისა თუ სხვა ტიპის კანონდარღვევების შესახებ.

ძალა ერთობაშიას ცხელი ხაზია 032 2 11 02 45

გიორგი ვაშაძემ ქართული ოცნების ლიდერებს დაოკებისკენ და მეტი პასუხისმგებლობისკენ მოუწოდებს.

"ქვეყანაში დაძაბული მდგომარეობაა და ერთხელ მაინც გაიაზრეთ, რომ ჯერ კიდევ ხართ ხელისუფლებაში. გააკეთეთ განცხადება ამ საკითხებთან დაკავშირებით, აზრი დაალაგეთ და ნორმალურად ელაპარაკეთ საზოგადოებას", — განაცხადა გიორგი ვაშაძემ.

მან კიდევ ერთხელ გაუსვა ხაზი, რომ კვირას დაგეგმილ აქცია მშვიდობიანი იქნება, სადაც გაერთიანებული ოპოზიციის ლიდერები თავის მოთხოვნებს დააყენებენ.

"ჩვენ ვსაუბრობთ 800 ათასი ადამიანის სახელით, რომლებმაც მხარი დაგვიჭირა, მიუხედავად თქვენი ზეწოლისა", — განაცხადა გიორგი ვაშაძე.

დღეს, პირველ დეკემბერს გრიგოლ ვაშაძის მხარდამჭერს, თაკო ჩარკვიანსა და მის თანმხლებ პირს, სავარაუდოდ, პოლიტიკური მოტივით თავს დაესხნენ. გაერთიანებული ოპოზიციის წევრის, ბაჩუკი ქარდავას თქმით, კი მას სიტყვიერი შეურაცხყოფა მიაყენეს.