პრეზიდენტობის ყოფილი კანდიდატი, ზურაბ ჯაფარიძე არჩევნებზე მისვლას არ აპირებს. ამის შესახებ On.ge-ს გირჩის პრესსამსახურმა დაუდასტურა.

არჩევნების პირველი ტურის შემდეგ ზურაბ ჯაფარიძემ განაცხადა, რომ მხარს დაუჭერდა გრიგოლ ვაშაძეს, რომელმაც ის "პედოფილს შეადარა". ის არ მოუწოდებდა თავის მხარდამჭერებს, რომ ხმა მიეცათ მეორე ტურში გასული რომელიმე კანდიდატისთვის. რამდენიმე დღის შემდეგ ჯაფარიძემ განაცხადა, "მეორე ტურის დედაც, არც ერთის შემომხაზველი არ ვარ".

27 ნოემბერს კი ზურაბ ჯაფარიძემ თავისი პარტიის, გირჩის ფეისბუქგვერდზე ვიდეოების სერია გააგრძელა და "რძე და ყველის" შემდეგ ამომრჩეველს სარი უჩვენა.

"რა ვქნათ არჩევნებზე", — სვამს კითხვას ზურა ჯაფარიძე ვიდეოში და დასკვნების გამოტანისთვის თავისუფალ სივრცეს ტოვებს, ერთი მინიშნებით — კადრში ჩანს სარი, წარწერით "სარი".

შესაძლოა, ვიდეოს ქვეტექსტი მაყურებლისთვის, ერთი შეხედვით, ნათელია, მაგრამ თავად ზურა ჯაფარიძე განმარტავს, რომ ამ ჟესტით ამომრჩეველს "ბრძოლისკენ" მოუწოდებს.

"ამ ვიდეოთი ხალხს მინდა ვუთხრა, რომ ბრძოლა წინაა", — განუცხადა On.ge-ს ჯაფარიძემ. თუმცა არ დაუკონკრეტებია, რითი აპირებს ბრძოლას პრეზიდენტობის ყოფილი კანდიდატი...