პარტიზანი მებაღე ელენე მალაშევსკი-ჯაყელი, რომელიც მერიის წინ შიმშილობს, ცუდად გახდა. ინფორმაციას ნატა ფერაძე და პარტიზანული მებაღეების ერთ-ერთი აქტივისტი მარიამ ყანჩაველი ავრცელებენ.

ადგილზე მისულია სასწრაფო დახმარების მანქანა.

ელენე მალაშევსკი-ჯაყელმა შიმშილობა მას შემდეგ დაიწყო, რაც ჯანმრთელობის მდგომარეობის გაუარესების გამო, ნატა ფერაძემ 1 კვირიანი შიმშილობა შეწყვიტა.

ნატა ფერაძემ უვადო შიმშილობა 17 აგვისტოს თბილისის მერიასთან დაიწყო. მისი მთავარი მოთხოვნა ეკოლოგიისა და გამწვანების სამსახურის თანამშრომლების გათავისუფლება და კვალიფიციური კადრების აყვანა, ასევე ქალაქში მიმდინარე ეკოპროცესების მკაცრი იურიდიული გამოძიებაა.