ტელეკომპანია რუსთავი 2-ის ინფორმაციით, რუსთავში გაერთიანებული ოპოზიციის წევრს სახლის აივანზე ე.წ. მოლოტოვის კოქტეილი ესროლეს. მათივე ცნობით, ინციდენტის დროს არავინ დაშავებულა. შემთხვევის ადგილზე სამართალდამცავები იმყოფებიან.

ინციდენტის შესახებ On.ge-ს შინაგან საქმეთა სამინისტროში დაუდასტურეს. საქმეზე უკვე დაიწყო გამოძიება სისხლის სამართლის კოდექსის 187-ე მუხლით, რაც გულისხმობს სხვისი ნივთის დაზიანებას ან განადგურებას, რამაც მნიშვნელოვანი ზიანი გამოიწვია.