ევროსაბჭოში, სადაც გენდერულ თანასწორობასა და ქალთა მიმართ ძალადობის საკითხებზე დემოკრატიის მსოფლიო ფორუმი იმართება, ქართველმა ახალგაზრდებმა რუსეთის მიერ საქართველოს ოკუპაცია გააპროტესტეს.

დარბაზში დამსწრეებს პიანისტმა, დავით ალადაშვილმა მიმართა და განაცხადა, რომ რუსეთის ოკუპაციის პირობებში ქალებისა და ბავშვების უფლებები მუდმივად ირღვევა. მან, ასევე, რამდენიმე კვირის წინ გატაცებული მაია ოთინაშვილის საქმე გაიხსენა. ოთინაშვილი რუსმა სამხედროებმა 29 სექტემბერს გაიტაცეს და თითქმის ორკვირიანი პატიმრობის შემდეგ გაათავისუფლეს.

ალადაშვილის სიტყვით გამოსვლის შემდეგ დელეგაციის რამდენიმე წევრმა ბანერები წარწერით "Stop Russia" გაშალა. პროტესტის ამსახველი ვიდეომასალა პირველმა არხმა გაავრცელა.