დევიდ ჰოკნისთვის ფული არასდროს იყო მნიშვნელოვანი, მას მხოლოდ ის უნდოდა, რომ თავისი საყვარელი საქმის გასაგრძელებლად საკმარისი ჰქონოდა.

ინგლისელმა ხელოვანმა სტუდენტობისას ერთი ნახატი 5 გირვანქა სტერლინგად გაყიდა. შემდეგ კი, 20-ღერიანი სიგარეტის კოლოფი იყიდა. შემდეგი ნახატის ღირებულება მან 40 გირვანქა სტერლინგამდე გაზარდა და ეს თანხა უცხოეთში მოგზაურობისას დახარჯა.

15 ნოემბერს, ჰოკნის 1972 წლის ნამუშევარი "მხატვრის პორტრეტი (ორი ფიგურა აუზში)" ნიუ-იორკში გამართულ აუქციონზე 90,3 მილიონ დოლარად გაიყიდა. ეს ცოცხალი მხატვრის ნახატის რეკორდული ღირებულებაა.

Portrait of an Artist (Pool with Two Figures)

ფოტო: David Hockney

აღსანიშნავია, რომ ნახატი 1972 წელს ჰოკნის დილერმა 18 ათას დოლარად გაყიდა. მას შემდეგ, ნახატი კიდევ რამდენჯერმე გაიყიდა. უცნობია, როგორ გრძნობს თავს მხატვარი, რომელიც სარგებელს არ მიიღებს თავისი ნამუშევრიდან. დღეს ამ ნახატის ფასი 1972 წელს მიღებულ თანხას 5 ათასჯერ აღემატება.

დევიდ ჰოკნის ქონება ამ დროისთვის 55 მილიონ დოლარს შეადგენს.

დევიდ ჰოკნი

ჰოკნის ერთ-ერთი ყველაზე ცნობილი ნამუშევარია 1964 წელს შექმნილი A Bigger Splash, რომელიც ამ დროისთვის ბრიტანეთში მდებარე Tate გალერეაში ინახება.