თანამედროვე ადამიანს, რომელიც რეგულარულად გადაადგილდება, მუდამ უწევს ახალი სახლის ძებნა. ხან მარტო, ხან მეგობრებთან, ხან ოჯახის წევრებთან, ხან საყვარელ ადამიანთან ერთად.

თუ ერთი პატარა ბინა გაქვს, შესაძლოა იქ ის ყველაფერი ვერ დაატიო, რაც გინდა, რომ თან გქონდეს/გყავდეს — ველოსიპედი, შინაური ცხოველები და რუმმეითები, რომლებსაც ვერ ელევი.

ამიტომ, იქნებ ჯობდა ერთი მთლიანი სოფელი გეყიდა?

გარდიანის ცნობით, ახალ ზელანდიას შემოთავაზება აქვს — თუ მწვანე გარემო გიყვარს, ის ქვეყნის სამხრეთით მდებარე კუნძულზე სოფელს, სახელად Lake Waitaki-ს 2,8 მილიონ დოლარად ყიდის.

სოფელი 1930 წელს ააშენეს და 1989 წელს მიატოვეს. იქ ოდესღაც 3 ათას ადამიანი ცხოვრობდა. ახლა ადგილზე 83 სახლია, 9 ავტოფარეხი და ერთი ბარი. ასე რომ, სია ფრთხილად უნდა შეადგინო, თუმცა ახალი სახლების აგება 2 999 მეგობართან ერთად ადგილზე ჩასულსაც შეგიძლია.

ფოტო: One Agency Real Estate

ტერიტორია ბოლო 30 წლის მანძილზე დაუსახლებელია და იქ ბევრი მუშაობა მოგიწევს, მაგრამ ღირს — საკუთარ ნებაზე მოწყობილ სოფელს რა ჯობს?

ასე რომ, ძალიან უნდა მოინდომო, დაითანხმო მეგობრები და სანათესაო. თუ შენს სანაცნობოში გრიშა კაკაჩიას მსგავსი "ნიჭით" დაჯილდოებული ადამიანი გყავს, 2,8 მილიონი დოლარის მოძიებაც არ გაგიჭირდება.