გომი-აგარას სარკინიგზო მონაკვეთზე კაცს მატარებელი დაეჯახა. კაცი გარდაიცვალა. ამის შესახებ On.ge-ს შინაგან საქმეთა სამინისტროში განუცხადეს.

შემთხვევა დღეს, 3 ოქტომბერს, დაახლოებით 09:30-ზე მოხდა.

საქმეზე გამოძიება სისხლის სამართლის კოდექსის 275-ე მუხლის მესამე ნაწილით დაიწყო. ამ მუხლით, რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევა, რამაც გამოიწვია ადამიანის სიცოცხლის მოსპობა, ისჯება თავისუფლების აღკვეთით ვადით ხუთიდან შვიდ წლამდე, თანამდებობის დაკავების ან საქმიანობის უფლების ჩამორთმევით ვადით სამ წლამდე.