გახსოვთ ორი წლის პარკერ კიური, რომელიც ვაშინგტონში, სმითსონის გალერეაში გამოფენილ მიშელ ობამას პორტრეტს აღფრთოვანებული უყურებდა?

მოგვიანებით სიტუაცია ისე განვითარდა, რომ მიშელი კიურის შეხვდა და მასთან ერთად ტეილორ სვიფტის სიმღერაზე იცეკვა.

პარკერი ახლა უკვე სამი წლისაა და ჰელოუინზე ერთ-ერთი საუკეთესო კოსტიუმი ეცვა. დიახ, ის ამერიკის პირველი ლედის საოცარი ნახატივით გამოეწყო.

მიშელმა ძველ მეგობარს გემოვნება შეუქო: "ყოჩაღ პარკერ, მომწონს შენი არჩევანი"

როგორც კიურის დედამ CNN-ს უთხრა, პატარა გოგოს სჯერა, რომ მიშელ ობამა დედოფალია და სურს, რომ მასსავით დედოფალი იყოს. რა თქმა უნდა, მისი ოცნებებისთვის სამყარო მზადაა!