"მე პრინციპში აქ არ უნდა ვყოფილიყავი", — ამის შესახებ მმართველი პარტიის მიერ მხარდაჭერილმა კანდიდატმა, სალომე ზურაბიშვილმა, კონკურენტებთან, გრიგოლ ვაშაძესთან და დავით ბაქრაძესთან დებატებისას თქვა.

ზურაბიშვილის თქმით, ის დებატებს მის წინააღმდეგ ჩატარებული კამპანიის გამო არ უნდა დასწრებოდა: "რადგანაც მე პატივს ვცემ ჩემს ამომრჩეველს გადავწყვიტე, რომ ამის მიუხედავად აქ ვყოფილიყავი".

საპრეზიდენტო კანდიდატების დებატები საზოგადოებრივი მაუწყებლის ეთერით გადაიცემა და მასში სულ სამი კანდიდატი, ქართული ოცნების მხარდაჭერილი სალომე ზურაბიშვილი, ნაციონალური მოძრაობის კანდიდატი გრიგოლ ვაშაძე და ევროპული საქართველოს კანდიდატი დავით ბაქრაძე, მონაწილეობს.