Express-ის ინფორმაციით, ოფიციალური ბრიუსელი აცხადებს, რომ შესაძლოა უკრაინისათვის უვიზო რეჟიმის მინიჭების გეგმა ქვეყანაში გავრცელებულმა კორუფციამ შეაჩეროს.

ბრიუსელში შეხვედრაზე უკრაინის წარმომადგენლობამ ანტიკორუფციული სისტემის შექმნაზე ხელი არ მოაწერა. ეს სისტემა ქვეყანაში კორუმპირებული პირების დაჭერას ხელს შეუწყობდა.

პროგრამის შექმნა უვიზო მიმოსვლის მინიჭებისთვის ევროკავშირისაგან ბოლო მოთხოვნა იყო. პრეზიდენტმა პოროშენკომ ქვეყანაში ეს საკითხი 15 აგვისტოს დააყენა, თუმცა მინისტრთა დეპარტამენტმა ონლაინ სისტემის შექმნაზე უარი განაცხადა.

უკრაინის სახელმწიფო კომუნიკაციების სამსახური (SSSCIP) აცხადებს, რომ სისტემას ვერ გამოიყენებენ, რადგან ამით პირადი მონაცემებზე წვდომა ექნებათ.

დასავლეთი ამ გადაწყვეტილებას ჩინოვნიკებზე ხელის დაფარებად აფასებს. პოროშენკომ კი პირობას დადო, რომ სისტემა მალე ამუშავდებოდა. ამოქმედების თარიღად 15 აგვისტო იყო მითითებული.

ევროკავშირის დელეგაციამ განაცხადა, რომ ძალიან იმედგაცრუებულები და შეშფოთებულები არიან და ყალბ განცხადებებზე უკრაინის წარმომადგენლობამ პასუხი უნდა აგოს.