რუსთავში აფეთქების შედეგად დაშავებული ერთ-ერთი არასრულწლოვანის მდგომარეობა მძიმეა. რუსთავი 2-ის ცნობით, ის ხელოვნური სუნთქვის აპარატზეა შეერთებული. წინასწარი ინფორმაციით, არასრუწლოვანს სხეულში უცხო სხეული აქვს, დაზიანებული აქვს ფეხი და უტარდება სამედიცინო პროცედურები. შესაძლოა, მისი თბილისში გადმოყვანის საკითხიც დადგეს. დაშავებულები ამ დრომდე რუსთავის ცენტრალურ საავადმყოფოში რჩებიან.

შინაგან საქმეთა სამინისტროს ცნობით, ავტოფარეხის დემონჯაჟის დროს ჟანგბადის ბალონის აფეთქების შედეგად 10 ადამიანი დაშავდა, მათ შორის 5 არასრულწლოვანი.

მომხდარ ფაქტზე გამოძიება საქართველოს სისხლის სამართლის კოდექსის 240-ე მუხლით მიმდინარეობს, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.