რუსთავში, მე-19 მიკრორაიონში ავტოფარეხის დემონტაჟის დროს ჟანგბადის ბალონი აფეთქდა. ამის შესახებ ინფორმაცია ადგილობრივმა მედიამ გაავრცელა.

საგანგებო სიტუაციების მართვის სამსახურის ცნობით, დაშავებულია 7 ადამიანი. ვრცელდება ინფორმაცია, რომ დაშავებულებს შორის არიან ბავშვებიც. აფეთქების სიმძლავრის გამო დაზიანდა მიმდებარე კორპუსებიც.

ფოტო: საგანგებო სიტუაციების მართვის სამსახური

On.ge-ს შინაგან საქმეთა სამინისტროში განუცხადეს, რომ ჯერჯერობით დეტალური ინფორმაცია მომხდარის შესახებ არ აქვთ.