რუსმა სამხედროებმა საქართველოს ორი მოქალაქე ე.წ. საზღვრის უკანონო კვეთის ბრალდებით დააკავეს. ინფორმაცია On.ge-ს სახელმწიფო უსაფრთხოების სამსახურში უდასტურებენ.

რუსთავი 2-ის მიერ გავრცელებული ინფორმაციის მიხედვით, გატაცებულები კასპის მუნიციპალიტეტის სოფელ ოკამის მცხოვრებლები არიან. მათივე ცნობით, რუსმა სამხედროებმა მოქალაქეები იმ დროს დააკავეს, როცა ახმაჯის ტყეში შეშის მოსატანად იყვნენ წასულები. აღნიშნულ ინფორმაციას სახელმწიფო უსაფრთხოების სამსახურის პრესსამსახური არ ადასტურებს.

სუს-ის ინფორმაციით, ამჟამად ცხელი ხაზია ამოქმედებული და ინფორმაცია ევროკავშირის სადამკვირვებლო მისიას მიეწოდა.