საუდის არაბეთმა აღიარა, რომ ქვეყნიდან დევნილი ჟურნალისტი ჯამა ხაშოგი სტამბოლში საუდის არაბეთის საკონსულოში მოკვდა. ქვეყნის გენერალური პროკურორის განცხადებით, ხაშოგი საკონსულოში ჩხუბის დროს გარდაიცვალა. აშშ-ის პრეზიდენტმა, დონალდ ტრამპმა ამ "აღიარებას" სანდო უწოდა. ჟურნალისტის ცხედარი ამ დრომდე ნაპოვნი არ არის.

ამ საქმესთან დაკავშირებით გაათავისუფლეს დაზვერვის სამსახურის უფროსის მოადგილე და პრინც მუჰამედ იბნ სალმანის უფროსი თანაშემწე. გარდა ამისა, გამოძიების ფარგლებში 18 პირი დააკავეს.

ჯამალ ხაშოგი 2 ოქტომბერს გაუჩინარდა. ის სტამბოლში საკონსულოში შევიდა და მას შემდეგ აღარავის უნახავს. ჟურნალისტის გაქრობის გამო ურთიერთობა დაიძაბა საუდის არაბეთს, აშშ-სა და თურქეთს შორის.

თურქეთი თავიდანვე აცხადებდა, რომ ჟურნალისტი საკონსულოში მოკლეს, რასაც საუდის არაბეთი უარყოფდა. ისინი ამტკიცებდნენ, რომ საკონსულოში მომსახურების მიღების შემდეგ ჯამალ ხაშოგიმ შენობა დატოვა.