შსს-ს განცხადებით, სამართალდამცავებმა სალოცავის გაძარცვის ბრალდებით ორი პირი დააკავეს.

უწყების ინფორმაციით, გამოძიებამ დაადგინა, რომ ბრალდებულებმა დუშეთის რაიონის სოფელ უკანხადუში მდებარე სალოცავი გაქურდეს.

შსს ასევე იუწყება, რომ სამართალდამცველებმა სალოცავიდან მოპარული ნივთები - ვერცხლის სხვადასხვა სახის 79 ნაკეთობა ნივთმტკიცების სახით ამოიღეს.

გამოძიება საქართველოს სსკ-ის 177-ე მუხლის მე-4 ნაწილის ბ ქვეპუნქტით, ქურდობის ფაქტზე მიმდინარეობს.