ნეტფლიქსი თავის უპირატესობას სულ უფრო და უფრო ამტკიცებს. მაგალითად, ჯერ კიდევ 2018 წლის დასაწყისში დაანონსებული სიყვარულის ზაფხული, რომელიც ხუთ ფილმს - To All the Boys I’ve Loved Before, Set It Up, The Kissing Booth, Like Father-სა და Sierra Burgess Is a Loser-ს აერთიანებდა, საკმაოდ წარმატებული გამოდგა.

თამამად შეგვიძლია ვთქვათ, რომ To All the Boys I’ve Loved Before, წლის ყველაზე პოპულარული მელოდრამაა, რადგან მას მხოლოდ ნეტფლიქსზე 80 მილიონზე მეტმა ადამიანმა უყურა. ეს რიცხვი კი რა თქმა უნდა კიდევ უფრო დიდი იქნება თუ იმ მაყურებელსაც ჩავთვლით, რომლებმაც რომანტიკულ კომედიას პირატულად, სხვადასხვა საიტებზე უყურა.

სწორედ ზემოთ ჩამოთვლილი ფილმების პოპულარობამ განაპირობა ის, რომ ნეტფლიქსმა რომანტიკული კომედიების ახალი ერა დააანონსა და ერთგულ მაყურებელს ამცნო, არხი ამ ჟანრს კიდევ უფრო დიდ ყურადღებას დაუთმობს.