შინაგან საქმეთა სამინისტრო ლამბალოში 17 წლის გოგოს მოტაცებასთან დაკავშირებით აცხადებს, რომ ამ წუთამდე მიმდინარეობს ძიება არასრულწლოვნის ადგილსამყოფელის დასადგენად. გოგოს უკვე მეოთხე დღეა ეძებენ. უწყების მტკიცებით, პოლიციას ინტენსიური კომუნიკაცია აქვს არასრულწლოვნის ოჯახის წევრებთან.

შსს-ს ცნობით, საქმეზე ამ დრომდე ჩატარებულია არაერთი საგამოძიებო მოქმედება: გამოკითხულნი არიან მოწმეები, გამოიკითხნენ ის პირებიც, რომლებსაც შესაძლოა, ჰქონოდათ ინფორმაცია არასრულწლოვნის ადგილსამყოფელის შესახებ.

მოზარდის მოტაცების შესახებ ინფორმაცია 12 ოქტომბერს შევიდა კახეთის პოლიციის დეპარტამენტში.

გამოძიება საქართველოს სსკ-ის 143-ე მუხლის მე-3 ნაწილის დ ქვეპუნქტით, რაც არასრულწლოვნის თავისუფლების უკანონო აღკვეთას გულისხმობს.