საქართველოს მთავარი პროკურატურის მიერ გავრცელებული ინფორმაციის მიხედვით, გამოძიება მუშაობს ვერსიაზე, რომლის მიხედვითაც, შესაძლოა, მირზა სუბელიანმა ცრუ, გამოგონილი დანაშაულებრივი ფაქტები გაასაჯაროა. ამის შესახებ რამდენიმე წუთის წინ ერთ-ერთმა პროკურორმა განაცხადა.

პროკურატურა განიხილავს ვერსიას, რომ შესაძლოა, სუბელიანს მუქარით ზემოქმედების მოახდინის მცდელობა ჰქონოდა მისი საქმის საბოლოო გადაწყვეტილებაზე.

პროკურატურის განცხადებით, ამ დროისთვის, გამოძიება გრძელდება დანაშაულთან შემხებლობაში მყოფი ყველა პირის გამოსავლენად, ასევე მედიასაშუალებით გავრცელებულ ფარულ აუდიოჩანაწერში გახმოვანებულ შესაძლო დანაშაულებრივ ფაქტებთან დაკავშირებით.

"მირზა სუბელიანის ჩანაწერები"

14 ოქტომბერს რუსთავი 2-ის მიერ გავრცელებულ აუდიოჩანაწერში, რომლის ავთენტურობა ჯერ არაა დადგენილი, სავარაუდოდ, ხორავას ქუჩის საქმეზე დანაშაულის შეუტყობინებლობისთვის დაკავებული მირზა სუბელიანის საუბარია ასახული. ჩანაწერის მიხედვით, ის ჰყვება, რომ ქართული ოცნების უკანონო საქმიანობის დამადასტურებელი უზარმაზარი რაოდენობის მტკიცებულებები აქვს დაარქივებული. კერძოდ, საუბარია ადამიანთა გატაცებასა და წამებაზე.

პროკურატურაში ამბობენ, რომ გამოძიება 12 ოქტომბერს დაიწყო, თუმცა საგამოძიებო მოქმედებების შესახებ 14 ოქტომბერს, რუსთავი 2-ის მიერ ჩანაწერის გავრცელების შემდეგ გაავრცელა ინფორმაცია.