მარნეულში მატარებელი კაცს მატარებელი დაეჯახა. კაცი ადგილზე გარდაიცვალა. ამის შესახებ ინფორმაცია On.ge-ს შინაგან საქმეთა სამინისტროში მიაწოდეს.

როგორც შსს-ში ამბობენ, შემთხვევა 15 ოქტომბერს მოხდა.

"15 ოქტომბერს, საღამოს დაახლოებით, 21 საათსა და 25 წუთზე მარნეული-შულავერის გადასარბენზე მამაკაცი ლიანდაგზე გადადიოდა, რომელსაც თბილისიდან ერევნის მიმართულებით მოძრავი მატარებელი დაეჯახა", — აღნიშნულია საქართველო რკინიგზის მიერ ფეისბუქზე გავრცელებულ განცხადებაში.

უწყების ინფორმაციით, საქმეზე გამოძიება სისხლის სამართლის კოდექსის 275-ე მუხლით დაიწყო. ამ მუხლით სისხლის სამართლებრივი პასუხისმგებლობა სატრანსპორტო საშუალებების უსაფრთხოების წესების დარღვევისთვის დგება.