სანამ ფოტოების დაათვალიერებას დაიწყებთ, გადაშალეთ თქვენი სკოლის ალბომი და კარგად დააკვირდით საკუთარ თავს. დარწმუნებული ვარ პირველი რასაც გაიფიქრებთ ის არის, რომ ძალიან შეიცვალეთ.

გაგიკვირდებათ და სკოლაში ის ადამიანებიც დადიოდნენ, ვინც დღეს საკუთარი სტატუსით ვარსკვლავებს ეთამაშებიან. თუმცა იყო დრო როდესაც ისინიც, ისევე, როგორც ჩვენ ყველა, ასრულებდნენ საშინაო დავალებას, მიიჩქაროდნენ გაკვეთილებზე და შატალოზეც კი იპარებოდნენ. სხვა ყველაფერთან ერთად კი დამატებითი პლუსი, რაც მათ სკოლის დამთავრებამ მოუტანა, გარეგნობაა. მახინჯი იხვის ჭუკები ლამაზ გოგო-ბიჭებად გაიზარდნენ.

ტომ კრუზი

ფოტო 1: Stephen Lovekin/Getty Images North America / ფოტო 2: Yearbook Archive

კბილების გასწორებამ კრუზი 90-იანი წლების ერთ-ერთ ყველაზე დიდ და მაღალანაზღაურებად ვარსკვლავად აქცია.

ნიკოლ კიდმანი

ფოტო 1: Photo by Jason Merritt/Getty Images / ფოტო 2: Yearbook Archive

კიდმანის კარიერა 1983 წელს დაიწყო, თუმცა ვარსკვლავის სტატუსი მხოლოდ 2001 წელს აირტყა, როდესაც მთავარი როლი ბაზ ლურმანის მიუზიკლში მულენ რუჟი შეასრულა.

2016 წლის მონაცემებით ნიკოლ კიდმანის ფილმებიდან შემოსულმა თანხამ საერთო ჯამში 3 მილიარდ დოლარს გადააჭარბა. ხშირად ამბობენ, რომ კიდმანის ვარსკვლავი სულს ღაფავს, ამის მიზეზად კი პლასტიკური ოპერაციებისადმი მის გადამეტებულ სიყვარულს უკავშირებენ, რომელმაც მსახიობის სახე უემოციო მდგომარეობაში ჩააყენა. თუმცა, ამის მიუხედავად, ის დღემდე ერთ-ერთი ყველაზე მოთხოვნადი და მაღალანაზღაურებადი მსახიობია ჰოლივუდში.

ჯენიფერ ანისტონი

ფოტო 1: Getty Images / ფოტო 2: Seth Poppel/Yearbook Library; Steve Granitz

ჯენიფერ ანისტონი გასულ წელს პლანეტის ყველაზე სექსუალურ ქალად დაასახელეს და უკვე მესმის თქვენი რეაქცია ამ წინადადების წაკითხვის შემდეგ. რას ვიზამთ, ყველას ერთნაირი გემოვნება არ აქვს. ყველაზე პოპულარული სიტკომის მეგობრების ვარსკვლავი, დღემდე ერთ-ერთ ყველაზე ძვირადღირებულ მსახიობად ითვლება ამერიკულ კინოსა და ტელევიზიაში.

თავის დროზე მისი ჰონორარი, მეგობრების ერთ ეპიზოდში, $1 250 000 იყო. ენისტონი მეგობრების გადასაღებ მოედანზე ბრედ პიტს შეხვდა, მათ ერთმანეთი შეუყვარდათ და იქორწინეს კიდეც. თუმცა, ეს იქამდე გაგრძელდა, ვიდრე მათ ცხოვრებაში ანჯელინა ჯოლი არ გამოჩნდა. ალბათ ამ სახელის და გვარის ხსენებაზე ჯენიფერს ახლაც ტანზე აყრის, მაგრამ რას ვიზამთ, უნდა გაუძლოს.

ანჯელინა ჯოლი

ფოტო 1: Wikimedia Commons/Foreign and Commonwealth Office / ფოტო 2: Yearbook Archive

"mirror mirror on the wall who's the fairest of them all" - ეს არის ფრაზა, რომელსაც ჩვენი დროის ერთ-ერთი ყველაზე ლამაზი და სექსუალური მსახიობი ანჯელინა ჯოლი სარკეში ჩახედვის დროს იმეორებს.

მიუხედავად იმისა, რომ თითქმის ყოველდღე ვრცელდება ჭორები ანჯელინას ავადმყოფობის, მისი გარდაცვალების, ბრედ პიტთან დაშორების და ა.შ. შესახებ, შეგვიძლია თავები დავიმშვიდოთ და ვთქვათ, რომ ამჯერად ანჯელინას სიცოცხლეს საფრთხე არ ემუქრება და ყველა ის დაბრკოლება, რაც მის ცხოვრებაში იყო ნელ-ნელა წარსულს ჩაბარდა.

ანჯელინა აქტიურია სამსახიობო კარიერაშიც, ფეხს იკიდებს როგორც რეჟისორიც და ყველაზე წარმატებული ნაბიჯები მაინც საზოგადოებრივ-პოლიტიკურ ცხოვრებაში აქვს. გაეროს კეთილი ნების ელჩი აქტიურად იბრძვის სექსიზმისა და ჰომოფობიის წინააღმდეგ. პაციფისტი ქალბატონი თითქმის ყოველთვე დადის იმ ადგილებში სადაც მოსახლეობა შიმშილით იტანჯება და ეხმარება კიდევაც. ვინ იცის, იქნებ წლების შემდეგ ანჯელინა ჯოლი ამერიკის პრეზიდენტადაც კი მოგვევლინოს.

სანდრა ბულოკი

ფოტო 1: PA/LANDOV / ფოტო 2: Yearbook Archive

მის კონგენიალურობამ ძალიან მარტივად დაუმტკიცა სამყაროს, რომ ის მხოლოდ კომედიური ჟანრის მსახიობი არ არის და დრამაშიც შესანიშნავად შეუძლია ითამაშოს. 2015 წელს სანდრა People-ს გამოკითხვებში მსოფლიოს 50 ყველაზე ლამაზ ქალს შორის მოხვდა, ხოლო მისი ფილმებიდან შემოსულმა თანხამ საერთო ჯამში 5 მილიარდ დოლარზე მეტი დააგროვა. სანდრა ბულოკი დღემდე ერთ-ერთ ყველაზე გავლენიან კინოვარსკვლავად ითვლება შოუ-ბიზნესში.

ჯორჯ კლუნი

ფოტო 1: Getty Images / ფოტო 2: Yearbook Library

პირველი, რაც ჯორჯ კლუნის სახელზე გვახსენდება სერიალი სასწრაფოა, რომელმაც მსახიობს ტელევიზიიდან დიდ კინომდე წითელი ხალიჩა დაუგო. 80-90-იანი წლების სექს სიმბოლო, დღესაც აქტიურადაა ჩართული კინოინდუსტრიაში და მსახიობის ამპლუის გარდა იდეალურად ირგებს პროდიუსერის როლსაც. აქტიურია პოლიტიკაშიც და, როგორც ამბობს, სისხლის ბოლო წვეთამდე იბრძოლებს იმისთვის, რომ დონალდ ტრამპმა არჩევნებში არ გაიმარჯვოს.

2014 წელს ჯორჯი ბრიტანელ-ალბანელ აქტივისტსა და იურისტზე ამალ ალამუდინზე დაქორწინდა. 55 წლის მსახიობის ჯერჯერობით ბოლო ფილმი ჯოდი ფოსტერის ფინანსური მონსტრია, სადაც პარტნიორობას ყველაზე ახლო მეგობარი ჯულია რობერტსი უწევს.

ჯულია რობერტსი

ფოტო 1: Bryan Bedder/Getty Images North America / ფოტო 2: Yearbook Archive

ჯულია ხშირად იხსენებს, რომ სკოლაში მახინჯ იხვის ჭუკს ეძახდნენ, რაც ძალიან სწყინდა. არც გვიკვირს, ყველას გვეწყინება, ვინმე ასე თუ მოგვმართავს. თუმცა მოგვიანებით, ეს "მახინჯი იხვი" კინოინდუსტრიაში ყველაზე მაღალანაზღაურებადი და კაშკაშა ვარსკვლავი გახდა, რომელსაც უკვე 25 წელზე მეტია ლამაზმანს და "ამერიკის ყველაზე საყვარელ მსახიობს" უწოდებენ.

ჯულიამ მოახერხა ისიც, რომ რეკორდსმენი გამხდარიყო და სხვადასხვა გამოკითხვებში ყველაზე ხშირად დაესახელებინათ მსოფლიოს ყველაზე ლამაზ ქალად. ის აქტიურად არის ჩართული ბუნების დაცვის აქციებში, აქვს საკუთარი ფონდი, რომელიც ლეიკემიით დაავადებული ბავშვებისთვის მუშაობს და არის გაეროს კეთილი ნების ელჩი. 2015 წელს რობერტსი გართობის ინდუსტრიაში ერთ-ერთ ყველაზე გავლენიან ქალად დაასახელეს ოპრა უინფრისთან, მერილ სტრიპთან და ელენ დეჯენერისთან ერთად.

ხომ ხედავთ, "მახინჯი იხვის ჭუკები" დროთა განმავლობაში ვარსკვლავებად იქცნენ. კიდევ ერთხელ გადაავლეთ თვალი სკოლის ალბომს, იპოვეთ თქვენი თავი, შემდეგ სარკეში ჩაიხედეთ და დააკვირდით თქვენც გახდით ვარსკვლავი, თუ ისევ ჭუკად დარჩით.