ბეტვუმენის შესახებ სერიალის გადაღება უკვე დაწყებულია. შოუ CW-ზე გავა და ის DC-ის კომიქსების მიხედვით შეიქმნება.

ამ როლზე უკვე დამტკიცებულია მსახიობი და ის რუბი როუზია.

ფოტო: JSquared Photography/The CW

ბეტვუმენი, იგივე ქეით რებეკა კეინი, ისევე როგორც ბეტმენი, დაიბადა და გაიზარდა გოთემში. ბეტმენის (ბრიუს უეინის) სიკვდილის შემდეგ, გოთემს ახალი სუპერგმირი სჭირდებოდა, ეს მისია კი საკუთარ თავზე ქეითმა აიღო.

მიუხედავად იმისა, რომ მას არ გააჩნია არანაირი ზეადამიანური ძალა, ის გამოცდილია ხელჩართულ ბრძოლებში, არის აკრობატი და ტანმოვარჯიშე.

აღსანიშნავია ის, რომ სერიალის გამოსვლის შემთხვევაში, ეს იქნება პირველი შოუ, რომელშიც წამყვანი სუპერგმირი ლესბოსელი იქნება.