დიდ დიღომში, პეტრიწის 13ა-ში, სპეცოპერაციის შედეგად 5 პირი დააკავეს. ინფორმაციას საზოგადოებრივი მაუწყებელი ავრცელებს. მათ ბრალად ედებათ მოქალაქისათვის თავისუფლების აღკვეთა და თანხის გამოძალვა.

საზოგადოებრივი მაუწყებლის გადამღები ჯგუფი მომხდარს შეესწრო და პეტრიწის ქუჩის მაცხოვრებლები გამოკითხა. ერთ-ერთი მცხოვრების თქმით, ის გარეთ ხმაურზე გამოვიდა, გამოსულმა კი შენიშნა, რომ ადგილზე სპეციალური დანიშნულების დანაყოფი ორ პიროვნებას აკავებდა. ადგილობრივები ამბობენ, რომ დაკავებულებს არ იცნობენ.

აღნიშნულთან დაკავშირებით შინაგან საქმეთა სამინისტრო სპეციალურ ბრიფინგს 17:00 საათზე გამართავს.