კაპიტანი ამერიკა, კრის ევანსი ამბობს, რომ Avengers-ის მეოთხე ფილმი, რომელიც 2019 წლის მაისში გამოვა, მისთვის ბოლო იქნება.

"ამ როლის თამაში 8 წლის განმავლობაში ჩემთვის დიდი პატივი იყო. ყველას ვინც იდგა კამერის წინ, იყო კამერის მიღმა და მაყურებელს - დიდი მადლობა ამ მოგონებებისთვის! სამუდამოდ მადლიერი ვარ", - დაწერა ტვიტერზე მსახიობმა.

ევანსის ამ გადაწყვეტილებებს გამოეხმაურნენ მისი მეგობრები და კოლეგები.

"არ ვტირი. ვქვითინებ", - წერს დედპულის ვარსკვლავი რაიან რეინოლდსი.

რეინოლდსის მსგავსად, კრის ევანსის ამ გადაწყვეტილებას ტვიტერზე გამოეხმაურა დუეინ ჯონსონი.

კრის ევანსმა კაპიტან ამერიკის როლი პირველად 2011 წელს, Captain America: The First Avenger-ში შეასრულა.