საოკუპაციო ხაზთან მდებარე სოფლის, მეჯვრისხევის მოსახლეობამ საქართველოს კონტროლირებად ტერიტორიაზე 4 რუსული თვითმფრინავი შენიშნა. ამის შესახებ ინფორმაცია ადგილობრივმა რადიომ მოზაიკამ გაავრცელა.

გამოცემის ცნობით, ვერტმფრენებმა მეჯვრისხევს წრე დაარტყეს და ისევ ოკუპირებული ტერიტორიისკენ გაფრინდნენ.

სახელმწიფო უსაფრთხოების სამსახურში ინფორმაცია არ უარყვეს და განაცხადეს, რომ აღნიშნულთან დაკავშირებით გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია. უწყების განცხადებით, მსგავსი ფაქტები ზიანს აყენებს ადგილზე არსებულ უსაფრთხოების გარემოს.