ძლიერი წვიმისაგან დატბორილ ბათუმის ქუჩებზე სამაშველო ბრიგადა გაწმენდით სამუშაოებს ახორციელებს. ამის შესახებ On.ge-ს საგანგებო სიტუაციების მართვის სამსახურში განუცხადეს. პრესსამსახურის ცნობით, 30-მდე გამოძახება დაფიქსირდა, რომლებიც ძირითადად სახლების დატბორვას ეხებოდა.

ფეისბუკის გვერდზე ბათუმი/Batumi ვრცელდება ფოტოები და ინფორმაცია, რომ დატბორილია გორკისა და ლერმონტოვის ქუჩები, გორგილაძის (გორკის) და გრიბოედოვის ქუჩების კვეთა და ძველი ბათუმის ტერიტორია.

ბათუმთან ერთად ძლიერი ნალექის შედეგად შეფერხებულია ტრანსპორტის მოძრაობა ოზურგეთის ცენტრშიც, სადაც ასევე სახლები და ქუჩები დაიტბორა.