ენერგეტიკის სამინისტრო თურქეთისათვის ენერგოდავალიანების გადახდასთან დაკავშირებით აცხადებს, რომ საქართველოს 1990-1997 წლებში თურქეთისაგან მიღებული და გადაუხდელი ელექტროენერგიის რაოდენობა 1,7 მილიარდ კილოვატ საათს შეადგენს.

2015 წლის თურქეთ-საქართველოს ორმხრივი ხელშეკრულების თანახმად დავალიანება 1,7 მლრდ კვტ/სთ-დან 1 მლრდ კვტ/სთ-მდე შემცირდა. ქვეყანა დავალიანებას კვლავ ელექტროენერგიის სახით გადაიხდის. მისი დაბრუნების ვადად კი 20 წელი განისაზღვრა.

ენერგეტიკის სამინისტროს განცხადებით ელექტროენერგიის დაბრუნება ნაწილ-ნაწილ მიწოდების გზით მოხდება.