ბათუმში მშენებარე სტადიონიდან მუშა გადმოვარდა. როგორც On.ge-ს ბათუმის რესპუბლიკურ საავადმყოფოში განუცხადეს, ამ წუთებში დაშავებულს ოპერაცია უტარდება.

რესპუბლიკური საავადმყოფოს კლინიკური მენეჯერის თქმით, მუშას ნეკნების მრავლობითი მოტეხილობა აღენიშნება და ელენთა აქვს დაზიანებული.

შინაგან საქმეთა სამინისტრომ On.ge-ს განუცხადა, რომ საქმეზე გამოძიება საქართველოს სისხლის სამართლის კოდექსის 240-ე მუხლითაა დაწყებული, რაც სამთო, სამშენებლო ან სხვა სამუშაოს წარმოებისას უსაფრთხოების წესის დარღვევას გულისხმობს.